Kategorie-Archiv: Stammtisch

Jou! Ich bin die Traudel unn do hin die Wertin. An moim Stammtisch sitzen se. De Erwin, de Willi, de Paule, de Oskar unn de Waldemar. Unn deshalb gibts die ganze Gschichte bei mir aus 1. Hand.
…………………………………………………………………………………………….

Ersatz für’s alte Navi

ascher_80x80Mit dem alte „neie Navi“ sinn die 5 sellemols jo ganz schäh in de Gegend rumgeeiert. Unn dass des Navi so frech war, ich hab’s ihne gegönnt. Do hän se mol selwer gemerkt, wie des iss, wann mer immer so dabbisch angebabbelt werd.

Jetzt kummt de Erwin mit em neie Gerät. Er hätt sich extra erkundigt, dass es net ausfällig werd un rumbärt. So was kennt er nämlich net vertrage – sacht de Richtige.

Jetzt sinn se erst mol wider unnerwegs noch Ilvessem. Mol gugge, ob ich die heit noch bei mir sehe du.

Eier Traudel

DVD-Abend beim Willi

ascher_80x80Heit hot unser Willi am Stammtisch g’fehlt. Alle häm er uns g’frocht, ob er vielleicht krank iss. War awer nix. Er iss nur dehäm gebliewwe, weil er soine Fraa a mol e Fräd mache wollt. Dodevor hot er DVD`s ausgeliehe um mit soiner Fraa än Filme-Owend zu mache. Sie hot allerdings kä Ahnung g’habbt, dass die Filme wirklich gar nix fer sie sinn. Jetzt kummt er widder rechelmäßig zu mer in die Kneipp.

Eier Traudel

Die Wegbeschreibung

ascher_80x80Die 5 Spezialiste sinn jo schun hilfsbereit wann mer se mol um was bittet. Unn wann dann ehrn Lieblingszugezochene mol höflich noch em Weg frocht, dann werd er nadierlich ach ganz höflich bedient. So viel Infos wollt er vielleicht gar net hawe, un s’nächste Mol werd er ach besser in de Fremdeführer gucke.

Eier Traudel