Das Navi

ascher_80x80Nä, hier kennen Sie net sitze bleiwe, do is reserviert!

Des is doch egal, ob do änner sitzt oder net.
Des do is de Stammtisch und hier sitzen de Willi, de Erwin, de Waldemar, de Paule und de Oskar.
Und des schon immer, quasi seit Geburt.

Also, wann Sie sich mit dene anlege wollen, bleiben Sie ruhig sitze.
Awer sach‘n se net, die Traudel hätt Sie net gewarnt. Die „Experte” wern jo sicher bald kumme. Die wollten nur korz nach Ilvesem.

13 Gedanken zu „Das Navi“

    1. Also de Erwin hot mer erzehlt, dass se noch Ilbesheim hinner Landau fahre wollten. Er hot gheert, dort gäbs e klori Grillhit, die wollten se sich mol angucke, weil se doch als gern grille dun. Kennt die Grillhit äner?
      Dann hot er awer des Navi widder zurick ins Gschäft gebrocht un sie sinn net hikumme, weil se uff ämol so dorschtig warn.

      Gibts in dem Ilvesem bei Mannem a äh schäni Grillhit?

      1. also jetzt lossener awwer emol die kerch im dorf. die waren doch klasklar in ilvesem bei landaach. un dord gäbts e subber grillhitt in de nee vum dorf iwwer die schdross noch laensweiler des muss ma doch wisse ehr hannebambel gewidder noch emol. wissen nid wu ilvesem esch mann o mann was fer dumpfbagge es doch gäbt. ausserdem fart mer nid iwwer de rei. des esch feindesland hott immer mein oba gsacht. und der hott immer recht katt.

  1. Do hot de Noberd awwer rechd . Ajo isch des Ilwesem bei landaach un net bei de dabbiche Badenser.
    Subber isch dord des Kalmidfeschd, missener mol uff de ilwessemer indernedseit gugge. Isch ähns vun de schänschde Woifeschde wuus gebd.

    1. Also wann des dort so ä klores Woifescht gibt, dann wollten die a dort hi. Ich habs im Internet gsucht, awwer unner www. ilwessem.de find mers net.

        1. Ah klar. Hätt ich jo a druff kumme känne. Des iss mer jetzt awer poinlich.
          Schäh isses do. Unn des Kalmidfeschd iss jo a schun bald. Do kännt mer werklich mol hifahre.
          De Erwin frocht grad, ob so do a Bluna hänn?

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.